vsi

vsi
join now

Rabu, 05 Oktober 2011

Carakan Madura - Chapter 3

Carakan Madura - bagian 3

Ator kabidan



   Assalamu’alaikum Wr. Wb                           

            
             Ngojugagi poji sareng sokkor Alhamdulillah dha’ ajunan guste Allah SWT se maha agung, badan kaula ampon kengeng karidha’an bisa ngalastareyagi panyosonan buku pangajaran Basa Madura Ajar Noles ban maca Carakan Madura se wujudepon akadi se astani ka’dhinto.

             Parlo ekagali dha’ sadaja para pamaos buku ka’dhinto :
Sapesan Buku ajar Noles ban maca Carakan Madura eneyatagi dha’ badan kaula dibi’ sareng sadaja mored SD /MI se enggunna badha e polo madura.
Kapeng dhuwa’ epon buku Ajar Noles ban maca Carakan Madura ka’ dhinto ampon lastare e akorragi sareng tolesan sareng baca’an Carakan Madura se badha e buku pangajaran basa Madura se badha, esoson menangka pangaonengan dasar cara noles sareng maca Carakan Madura.
Kapeng tello’ buku ka’ dhinto esoson kaangguy abanto mored saenggana dhalem baca’an tor katerangan ta’ abasa tenggi otaba ta’ abasa alos.
     
             Ngombarepon buku ka’dhinto ampon jelas bannya’ sareng kakorangan, kasala’an tor kalopodan sae dhari basaepon, eja’annepon tor jugan cara nolessa korang sae sabab etoles tanang. Pramela dhari ka’dhinto pangarep dha’ para guru kaangguy masamporna otaba masae badhaepon buku ka’dhinto, kong langkong apareng bantowan pamanggi sareng laenepon dha’ se nyoson buku ka’dhinto.

             Dha’ sadaja para Lora, kanca kanthe se ampon apareng bantowan masamporna ngombarepon buku ka’dhinto badan kaula se nyoson sanget mator sakalangkong. Moga-moga buku Ajar Noles ban maca Carakan Madura andadiyagi manfaat otaba aguna monggu dha’ kamajuwan Basa Madura kong langkong Carakan Madura.


   Wassalamu’alaikum Wr. Wb


     
                                                                                    Se nyoson,
                                                                                    Ttd


                                                            MOH. SUTOMO
                                                            Jl. Pahlawan 20 Pamolokan
                                                            Sumenep
                                                            2011

Tidak ada komentar:

Poskan Komentar